لا شوفتن تبل الشوق ولا رداً يطمن

يقال انو النعام ادم اعمى وابنو اصم ما بتكلم
وكان مريض

فقال ليهو لا شوفتن تبل الشوق يعنى ما بشوفك
ولا ردا يطمن يعنى ما بتتكلم عشان اطمن عليك

دي كلمات الأغنية
لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين
قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن
بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن
ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن
بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

الأغنية عاجباني شدييييد ويا ريت تعجبكم
وكمان اسمعوها هتعجبكم أكتر
وده رابط الأغنية هدية مني ليكم يا حلويـــن
https://www.youtube.com/watch?v=8H7j3TCwXSo

روعه عديييل يا انجي .... لكي الشكر .... انا النص الكامل للاغنية دي بفتش ليهو من بدري.. اللهم اغفر للنعام ادم وارحمه.

شبتاكا كتب:: روعه عديييل يا انجي .... لكي الشكر .... انا النص الكامل للاغنية دي بفتش ليهو من بدري.. اللهم اغفر للنعام ادم وارحمه.

شكــــــــــراً ليــــــــــــــــــــــــــــــــك شبتاكا على مرورك العطر بموضوعي
لك التحية والود

بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن

دا اكتر شئ عاجبنى فيها

» خفقة الشوق
» لما يبقى الشوق جريمة
» مرحبا اسيرة الشوق بين اهلك وناسك