كنت دايرك تعتذر

موضوع: كنت دايرك تعتذر الأحد أغسطس 02, 2009 3:42 am

ولا حتى قالت تعتذر
لمن مشيت ومعاي جراحي مكبدة
هو العذر بس كلمة سماح
كلمة خلاص حقك علي
لو ما الملامة .. كان برايا رجعت ليها
و وريتا كيف تفدر تعتذر
تقدر تعبر عن قليب
في حق حبيبو الكان غلط
والليلة شن طعم العذر
من غير حواس بتحركو
من غير شعور بي لوعتو
من غير كتير قدمتو ليك
عشان لحظة اقول زعلان خلاص
زعلان انا..
ألقى الجواب منك حنين
معليش .. يا أحلى زول في الدنيا لي
حقك علي .. حقك علي
يا أحلى زول في الدنيا لي
لكن براك درت السكات كلمة سماح
كلمة عذر
لزول حكايتو مؤلمة
ذنبو الوحيد
إنو اصطفاك
من دون مقدمات ومماطلة
لكن كمان راجيك انا
راجيك متين ترجع تعود
شايل معاك كلمة حنان كلمة عذر
والله بريدك ياالحبيب .. والله بريدك يالحبيب
وانا شن اكون بفرقتك
غير طفلة ضايعة بلا أهل
غير شتلة ميتة بلا أمل
إلا الفؤاد قال لي وين تلقى الهنا
قال وين تلقى العذر
من زوله ماليها الغرور
من زوله ماليها الخداع
وانت المهم ... احسن تفوت
خليها عايشة على الأمل
في يوم مصيرا حتعترف
إنو الغلط كان منها
والليلة شن قيمة العذر
لمن خلاص قلبي انكسر .. لمن خلاص قلبي اكسر

تحيااااااتي

منقول
اتمنى موضوعي ينال إعجاب الأستاذ العزيز محمد عيسى
وينال إعجاب جميع الإعضاء

من زوله ماليها الغرور
من زوله ماليها الخداع
من زوله راقيه مهزبه
من زوله تنسج بالحروف احلى الكلام
واعذب كلام لمن يفوت حد الوصف
لما الوصف يحتاج دليل يرسم خطاة المتعثرة التعبت من كتر المشى بين
والحقيقة والخيال والفرق ياغالية خيط
وحتى الخيوط اتلونت وبقت معقدة ومن
شدت التركيز راح البصر وبكت العيون وجرت الدموع وعملت برك ونزلته فيه مركبى وكتبته على شراعة..اعتزار..
واقبلى منى المداخلة بالخاطرة المتواضعة....محمدعيسى