الحب كأس سم ..علي شكل ترياق للحياة ؟؟

الحب كلام فااااضي

الحب اكذوبة

الحب لعب عيال
الحب ضياع زمن
الحب فلسفة لا تعني للرجل غير مشاركة مستعمر لحياتك
المراة السودانية لا تعرف كيف تحب
الحب لدى المراة السودانية مجرد اوامر للرجل ( جيب جيب - هات - هات )
حياة المراة السودانية مبنية على الشك في الرجل ولذلك تجعل حياته جحيم
الحب كلام فااااضي . .. .

هل كل ذلك صحيح ؟ ؟ ؟؟ ؟ سؤال للجميع

ابو الشوش كتب:: الحب كلام فااااضي . .. .

هل كل ذلك صحيح ؟ ؟ ؟؟ ؟ سؤال للجميع

ههههههههههههههههههههههههههههههه

اليوم فى الجامعه كنا بنتكلم عن الموضوع ده

الحب اولا ما كلام هو مشاعر قبل اى حاجه و اى شعور يشعر به الانسان ما ساى وعندو تمنو

لاحظ كل البقول انو كلام فارغ مر بى تجربه فاشله منها حكم عليه بانو كلام فاضى

يا ابو الشوش ليه كدا
الحب احساس ومشاعر
ما ممكن نقول عنها كذب
بعدين المراء السودانيه انا عن نفسى بشوفا ارق انسانه فى العالم
لانها لم تحب بتحب بى اخلاص
وما تتشائم من الحب
مشكوووووووووووور
تحياتى

مافاضي مافاضي الحب بقى كلام فاضي
بالغت يا ابوالشوش الحب احساس جميل

ابو الشوش كتب:: الحب كلام فااااضي

الحب اكذوبة

الحب لعب عيال
الحب ضياع زمن
الحب فلسفة لا تعني للرجل غير مشاركة مستعمر لحياتك
المراة السودانية لا تعرف كيف تحب
الحب لدى المراة السودانية مجرد اوامر للرجل ( جيب جيب - هات - هات )
حياة المراة السودانية مبنية على الشك في الرجل ولذلك تجعل حياته جحيم
الحب كلام فااااضي . .. .

[size=29]
أخى أبو الشوش أنت
لا تعرف معنى الحب
فالحب
شئ
جميــــــــل

لا يعرف ولا يسمع
الا دقات القلـــوب

فقل لى هل تعرف معناه

انه إحساس رائــــــع

وجميل عندما تسمـــــع

دقات القلــــــــــوب

وتتقابل العيـــــون

وتحــس أنك لست ع الارض
طائـر بالسماء

والحب لا يعرف صغيــر
ولا كبيـــر
فهو إحساس
جميل

فهل عرفــــــت معنى الحـــب

الأن

معليش ع الرد الساخن

لكن موضوعك
لن يدعنى
ان أسكــت
[/size]

والله يا ابو الشوش حرام عليك والله كيف الحب كلام فاضي كيف الحب اكذوبه

لا ثم لا ثم لا واقولها لك الف مره الحب شئ لا مثيل له شعور رائع شعور

جميل لو لم يجد الشخص الحب فى هذه الدنيا لتوفي

ان لم تجد انت ذلك الحب فأني ادعو لك الله لتجده

مع تحيــــــــــــــــــــــات

OMAR THE KING OF FUN

السلام عليكم يا اروع اعضاء في اجمل منتدي ..
شكراً ليكم كتيير علي النقد الرائــع .. واسف اذا الموضوع زعل بعض الاعضاء
لكن الهدف من الموضوع هو فتح طريق للنقد ومشاركة في الحوااار وجعل الاعضاء
يطرحووون آرائهم ..!!
وعلي فكرة انا زاتي بنقد نفسي عشان ماتزعلو ..
وفي انتظااار بقية الاعضاء الرائـعين وخاااصة ملوك النقد ( الجموووعي - حداد - عاشقة توتيل )

نادينتي وانا هنا عشان البي نداك
قبل ما ارد عليك
نقطه للعزيز بكور
ما كل من قال الحب كده بيكون مر بتجربه فاشله lol!

مثال بسيط
الاطفال لما يقولو ليهم النار بتحرق ما بيستوعبو الحاجه دي الا لما تتشهم
والكلام بينطبق علي الكبار برضو لكن بيخش فيها عوامل تانيه زي الخبره والمنطق
احتمال يكون الشخص ما مر بالتجربه اصلا ودايما الانسان انطباعي لكن درجاتو بتتفاوت

نرجع لي موضوعنا
الحب عباره عن موازنه لا اكثر

وخلونا نحاول نفهم كيف
لو اتنين قابلو بعض وحسو بانجذاب (وده حنرجع ليو تاني) لكن المستوي الفكري بتاعهم كان متساوي وافكارهم متقاربه الحيحصل شنو؟؟

غلط كبير لو قلت لي انهم بيصلحو لي بعض
بالعكس الاختلاف هو البيجمع الناس
وما عاوز اخش في نظريه تجاذب النقيضين
المهم لما يكونو مختلفين بيكملو بعض
دي النقطه الاولي

كده بقي عندنا شخصيتين مختلفتين وبينهم انجذاب
بعد كده بيبتدي كلامي الاول

الموازنه

لو الحاجات الجميله بتغلب علي السيئه كده ده مشروع حب ناجح
ودي النقطه التانيه

النقطه التالته
الاستمراريه
ودي هي سبب نهايه معظم العلاقات
الكل بينجح في النقطتين الاوائل وبيحاول يتاكد من التالته
وهنا الغلط

لو كان (واسمحو لي اسمي مجموع النقطتين الاولي والتانيه حب) لو كان في حب لكن الفرق فيو بين الاشياء الجميله والغير جميله ما كبير هل حيستمر؟؟
طبعا لا
يبقي الاستمراريه بتعتمد اعتماد كبير علي الموازنه وبالتالي الموازنه هي اساسها

يبقي نخليها علي جنب ونشوف الانجذاب مع الموازنه
تفتكر الانجذاب مهما كان نوعه حيستمر لفتره كم؟؟
سنه ؟ اتنين ؟ عشرين؟؟

حيجي يوم ويكون مافي ويتحول زي ما بيقولو لي العشره
والعشره هي التعود لكن علي شنو؟؟
علي اشياء الطرف الاخر علي طريقتو في التقدير و..و..و..و..و..و..
ومجموع الكلام ده بيكون الشخص وصل لدرجه بقي ميزانو البيوزن بيو الحاجات قريب من ميزان الطرف الاخر

يبقي الحب شنو؟؟
موازنه

اما البيتكلمو عنو الناس ده كلو اسمو انجذاب
وهو فعلا مهم جدا لانو دي الشراره وبدايه كل شي
بس الشراره لو ما لقت الحاجه التولع بيها حتنطفي

الاحاسيس الجميله شي رائع

لكن ده ما حب

الحب تقدير واحترام و.............. موازنه

والله الله علي كلامك حداد والله جميل جدا جدا

رائع بمعني الكلمه والله مشكوررررررررررررر جدا جدا

مع تحيــــــــــــــــــــــــــــــــــــــات

OMAR THE KING OF FUN

no comment

اخي حداد
شكراً كتييير علي مرورك الرااائع الذي كنت انتظره منذ فترة !!
والله كلامك منطق وفات المنطق في حد زااااتو .. وشكراً لانك لفت انتباهنا لنظريات كادت تكون مخفية عننا .. والله ياحداد بالجد انت في قمة الروعة في مواضيعك و ردودك ودائماً مميز وفي انتظار جديدك دوماً .. واخيرا بشكرك علي تلبية الدعوة المتواضعة وتقبل تحياتي ابو الشوش

يديكم العافيه يا عمر وابوالشوش

صديقي المقدام
دي ما المحريه فيك

بدون تعليق؟؟؟

اذا كان الكلام غلط ده باب نقاش مفتوح ولو نسينا حاجه سامحنا وذكرنا بيها
ولو كلامنا صح شجعنا بمؤازرتك

وفي انتظارك صديقي

M.Hadad كتب:: نقطه للعزيز بكور
ما كل من قال الحب كده بيكون مر بتجربه فاشله
مثال بسيط
الاطفال لما يقولو ليهم النار بتحرق ما بيستوعبو الحاجه دي الا لما تتشهم
والكلام بينطبق علي الكبار برضو لكن بيخش فيها عوامل تانيه زي الخبره والمنطق
احتمال يكون الشخص ما مر بالتجربه اصلا ودايما الانسان انطباعي لكن درجاتو بتتفاوت

الغالى حداد انا معاك فى النقطة دى بس انا كلامى كان من الشباب الكنت بتناقش معاهم لكن ممكن نقول انو 90% من الناس البقولو الحب كلام فاضى عاشو ترجبة فاشلة وحتى الكبار ناس الخبرة و المنطق 5% منهم يكون شاف زول عاش تجربة حب فاشلة والخمسة البقين ديل ممكن تقول ناس الخبره و المنطق

تحياتى

[size=18]صديقى العزيز الرائع دوما ابوالشوش انا اتفق معاك فى اشياء واختلف معاك فى اشياء ممكن يكون كلام صحيح لحد ما لوما عممت ممكن نقول حاليا المجتمعات عموما تشهد انحسار فى المبادئ والقيم لاسباب كتيرة منها الاعلام الموجة التى اصبحت المادة هى الحقيقة الوحيدة واصبح العيب والعادات المحتشمة من الماضى السحيق دا طبعا فى العموم ما كل الناس .بالاضافة لعصر السرعة الذى لايسمح لك بالوقوف لالتقاط انفاسك والذى بدورة ساهم فى قتل معظم الاحاسيس الجميلة او بمعنى اخر لم يمهلها الوقت الكافى لتستوى على نار هادئه فاصبح حب تيك اوى على حسب الطلب واكرر دا فى العموم ما كل الناس .يعنى فى الحالة دى الواحد يكون قنوع ويرضى بالموجود عشان حياتة تمشى ويلتزم المقولة الى بتقول احسن السيئين والكلام دا مقصود بيه الكل رجال ونسوان. وتقبل مرورى يارائع.......[/size]محمدعيسى

محمد عيسى كتب:: [size=18]صديقى العزيز الرائع دوما ابوالشوش انا اتفق معاك فى اشياء واختلف معاك فى اشياء ممكن يكون كلام صحيح لحد ما لوما عممت ممكن نقول حاليا المجتمعات عموما تشهد انحسار فى المبادئ والقيم لاسباب كتيرة منها الاعلام الموجة التى اصبحت المادة هى الحقيقة الوحيدة واصبح العيب والعادات المحتشمة من الماضى السحيق دا طبعا فى العموم ما كل الناس .بالاضافة لعصر السرعة الذى لايسمح لك بالوقوف لالتقاط انفاسك والذى بدورة ساهم فى قتل معظم الاحاسيس الجميلة او بمعنى اخر لم يمهلها الوقت الكافى لتستوى على نار هادئه فاصبح حب تيك اوى على حسب الطلب واكرر دا فى العموم ما كل الناس .يعنى فى الحالة دى الواحد يكون قنوع ويرضى بالموجود عشان حياتة تمشى ويلتزم المقولة الى بتقول احسن السيئين والكلام دا مقصود بيه الكل رجال ونسوان. وتقبل مرورى يارائع.......[/size]محمدعيسى

اخي محمد عيسي يشرفني المرورك المتواااضع والنقد الراائع من عضو اكثر من مميز دوماً
ولك خااالص تحياتي ابو الشوش ..!!

ما عارفه اعلق اقول شنو

بس البوست عجبنى
شددددددددددددددددديد
مشكور يا ابو الشوش
واخر شى الحب بختلف من شخصين لى شخصين اخرين
بس فى كل الاحوال هو احساس رائع وما ممكن نعيش من غير حب
ويلا يا اعضاء واصلو الردود علشان البوست يستحق

sma7a كتب:: ما عارفه اعلق اقول شنو

بس البوست عجبنى

شددددددددددددددددديد

مشكور يا ابو الشوش

واخر شى الحب بختلف من شخصين لى شخصين اخرين

بس فى كل الاحوال هو احساس رائع وما ممكن نعيش من غير حب

ويلا يا اعضاء واصلو الردود علشان البوست يستحق

اختي سماحة
والله انتي المشكورة اكثر علي مرورك المميز .. ورجوعك مرة ثانية للبوست .
وكدة بدأت احس فعلا انو البوست راااائع وبجد محتااااج منااااقشة .!!
بس كان عايز بقية الاعضاء .. تحياتي ابو الشوش

M.Hadad كتب:: يديكم العافيه يا عمر وابوالشوش

صديقي المقدام
دي ما المحريه فيك

بدون تعليق؟؟؟

اذا كان الكلام غلط ده باب نقاش مفتوح ولو نسينا حاجه سامحنا وذكرنا بيها
ولو كلامنا صح شجعنا بمؤازرتك

وفي انتظارك صديقي

آسف والله ، لك اخي الكريم / حداد ـ والى اخوتي الاعضاء ..

بس كلام ابو الشوش ، وشوية حارقني ، وانا عن نفسي ممكن يقدسون الحب لدرجه خياليه ، وعندي ايمان شديد ان الحب هو اساس الحياة السعيده ،،، اما عن اللذين يحبون للمصالح ، او نزوات ، فهم بعييدين كل البعد عن الحب الحقيقي ،،،، وبعدين لو الزول عايش في حاله من الحب ومعذب فيها ،،، كلام ابو الشوش ده ، بيحرق اعصابه شوية كده ....

دمتم بألف خير وبوست ولا اروع ولا اجمل منه مافي ،،، احيييك اخي ابو الشوش على هذا الموضوع القيم ...

وآسف مرة اخرى ، على ردي السابق ، دمتم بخير اخوتي الاعزاء ...

» انت الحب
» جمل في الحب
» رياح... الحب
» اجمل ما قيل عن الحب ...
» ♥ لغة اللمس ..أعظم لغات الحب ♥‎