دمـــوع العتـــاب ..!!

دموع العتاب


الدموع السايلة منك
ما بتعبر عن حنانك
ورغم صدك برضو صابر
وإنت زايد في جنانك
,,,,,,,,,,,,,,,,,,,,,,,,,,,
كان أصيل في حبه لينا
مابعاين للمظاهر
كل أول ليه آخر
وإنت يا آخر الأواخر
,,,,,,,,,,,,,,,,,,,,,,,,,,,,,
عشت عمر الدنيا كله
وكنت في عمري القضية
والقضية الشاغلة بالك
تبقي أحلآم سندسية
,,,,,,,,,,,,,,,,,,,,,,,,,,,,,,
إنت يا مطر الفيافي
هيا أنزل لي خدارك
إنت فوق في سماك ثابت
ونحن نجري في مدارك
,,,,,,,,,,,,,,,,,,,,,,,,,,,,,,
يا حليل أيام صبانا
كنا نسبح في سمانا
بي فراقك ياحبيبنا
تاني نرجع لي بكانا
,,,,,,,,,,,,,,,,,,,,,,,,,,,,,,,
الوداع يا طب قلوبنا
أمشي فارق لي دروبنا
الغلط من البداية
أصلوا توبك ماهو توبنا
,,,,,,,,,,,,,,,,,,,,,,,,,,,,