الحلنقي،،،،فخر الشرق

اسحق الحلنقي قطعة من كسلا،،،،هو سمرة من جبالها،،،وخضرة من مروجها ،،،وبسمة في
عيون أهلها،،،عبر الحلنقي عن كوامن دواخله،،،متصفاً ببساطة الصدق،،،،وحرارة العاطفه،،،
ويسر الكلمات،،،فأصبح على الالسن ترديداً وهتافاً بكسلا الوطن الملاذ،،،
أخذ من قوس قزح المتدني فوق جب التاكا الاشم ،،،،ويتدلى عن دائرة الظل على هامش نبع توتيل السلسبيل،،،،،وركائم السحائب تشق طريقها لتنسم حبات الندى المتساقط حباً،،،

اسحق لحلنقي،،،،،هي محاوله لجمع بعض المنثور منه حبا وعشقا وجمال،،،

الحلنقي،،،،فخر الشرق 700539

تحيتي لمن طلبها

غربة وشوق

جيناكم يا حبايبنا
بعد غربه وشوق
نغالب فيهو
ويغالبنا
نكتم آهه وتظهر
آهه وتتعبنا
حنين لى شوفة
الغاليين مذوبنا

سماع أهلاً من الاحباب
شروق آمال
ووصف البهجة بالكلمات
محال يتقال
حلاوة العوده
غنيناها فى موال
بتحكى عن الولف
واصلو الولف كتال

هناك غربتنا ما هنتنا
يا حلوين
هناك الهم بدل
واحد يبين همين
ومهما قلوبنا تتأوه
ونتأوه سنين وسنين
مصيرو الحى يلاقى
حبايبو لو صادقين

الأبيض ضميرك

إنت يا الأبيض ضميرك
صافي زي قلب الربيع
في كلامك وابتسامك
أندي من زهر الربيع
عشت متهيئ لحبك
كل أيامي وحنانها
ابتسامك عزيزة
بحرق الآهات عشانا
بس لقيتك إنت حائر
تظلم الحب بالمهانة
الدموع السايلة مني
يا ما سالت حرقتني
والظنون الحارقة قلبي
بالماسي كم شقتني
كنت بجني شقاك محنة
وأعشق أوهامي الطوتني

إنت مافي

انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

إبداع إبداع إبداع

الرائعة عاشقة : شكرا لكي علي هذا الابداع,وهذا الاختيار الصائب, وشكرا لكي علي التلبيه.

خالص إحترامي وتقديري دوما,,,

عاشقة توتيل كتب:: الأبيض ضميرك

إنت يا الأبيض ضميرك
صافي زي قلب الربيع
في كلامك وابتسامك
أندي من زهر الربيع
عشت متهيئ لحبك

بنت كــــسلا العسسل
,, عاشقه تويــــــتل ,,

مشكوره على هذا الجــــــــهد الجميل

تحياااتى
,,
,

الجموعي كتب:: إبداع إبداع إبداع

الرائعة عاشقة : شكرا لكي علي هذا الابداع,وهذا الاختيار الصائب, وشكرا لكي علي التلبيه.

خالص إحترامي وتقديري دوما,,,

الجموعي،،،،

اكثر من الابداع هو تواجدك المميز هنا،،،

شكرا لروعة هذا الحضور،،،

وعندما تكون الامنيات لمن هم في مقامك الكريم،،،،

لزاماً علينا التلبيه،،،حباً في الله،،،وكرامة في شخصك،،،،

دمت بكل خير،،،،وأسعد الله ايامك

تحيتي يارائع

همسة كتب:

عاشقة توتيل كتب:: الأبيض ضميرك

إنت يا الأبيض ضميرك
صافي زي قلب الربيع
في كلامك وابتسامك
أندي من زهر الربيع
عشت متهيئ لحبك

بنت كــــسلا العسسل
,, عاشقه تويــــــتل ,,

مشكوره على هذا الجــــــــهد الجميل

تحياااتى
,,
,

عروس النيل

يسعدني جدا تواجدك هنا،،،

وتعلمين أن غيابك عن شواطئ لايغتفر،،،

أنت السحر هنا،،،،فكوني بخير

مع حبي ياجميله

فايت مروح وين

فايت مروح وين ...
لسة الزمن بدري ...
خليك شوية عشان ...
جنبك يطول عمري ...
دار الفرح والريد ...
تلقاني من أهلها ...
ومين اللي ما بعرف ...
طيبة شباب كسلا ...
يلاك بعيد نرحل ...
لدنيا حنية ...
نعيش لوحدينا ...
سيرتنا منسية ...
وأسقيك مياه توتيل ...
عشان تعود لي ...
بين الضفائر بان ...
وجه القمر طلا ...
وكيف قلبي يتنقل ...
صبرني يا الله ...

مــــا مــشـــكــلــــه

الروح تروح ما مشكلة وتزيد جروحي علي جروح مامشكلة
المشكلة ريدتك بقت هي المشكلة وأديني حل للمشكلة

ينسي الفراش عطر الربيع ما مشكلة
وينسي الوديع زولو الوديع ما مشكلة

الشاري لو فكر يبيع لو ضاعت الأعمار تضيع ما مشكلة
المشكلة ريدتك بقت هي المشكلة وأديني حل للمشكلة

لا تبين شمس لا يهل قمر ما مشكلة
يبقي السحاب من غير مطر ما مشكلة

يرموني في نص البحر لا يجيبو لي الناس خبر مامشكلة
المشكلة ريدتك بقت هي المشكلة وأديني حل للمشكلة

لو هز صمت الليل برق ما مشكلة
والقاش رحل خلاّ الشرق ما مشكلة

لو عمري بالشوق يحترق ولو رحت ماجبت الفرق ما مشكلة
المشكلة ريدتك بقت هي المشكلة وأديني حل للمشكلة

الدنيا تبقي بدون جليس ما مشكلة
وتبقي الليالي بدون ونيس ما مشكلة

لو تنسي ليلي حبيبها قيس تنسي العروس اسم العريس ما مشكلة
المشكلة ريدتك بقت هي المشكلة وأديني حل للمشكلة

عيش معاي الحب

ايه يضيرك تسأل ... في يوم علي يا غالي
و إنت وحدك عارف ... همي..عارف حالي
كيف أواصل صبري ... في الطريق الخالي
و كيف بدونك تصبح ... الليالي...ليالي

أنا كنت دايماً بصبر ... مهما البعاد أضناني
في قلبي انت بتكبر ... وتكبر معاك معاني
أرجى الأيام واستنى ... آمالي بين نيراني
والهجر مهما يألم ... يرجع حنانك تاني

لو كان جفيتني ورحت ... وخليتني وحدي برايا
مع ليالي الوحدة ... والشوق حنينو معايا
ما بسيبو غرامك ... رضيان معاك بشقايا
لمتين طريقك يقصر ... تعرف نهايتو خطايا

عاشقة توتيل كتب:: مــــا مــشـــكــلــــه

الروح تروح ما مشكلة وتزيد جروحي علي جروح مامشكلة
المشكلة ريدتك بقت هي المشكلة وأديني حل للمشكلة

ينسي الفراش عطر الربيع ما مشكلة
وينسي الوديع زولو الوديع ما مشكلة

الشاري لو فكر يبيع لو ضاعت الأعمار تضيع ما مشكلة
المشكلة ريدتك بقت هي المشكلة وأديني حل للمشكلة

لا تبين شمس لا يهل قمر ما مشكلة
يبقي السحاب من غير مطر ما مشكلة

يرموني في نص البحر لا يجيبو لي الناس خبر مامشكلة
المشكلة ريدتك بقت هي المشكلة وأديني حل للمشكلة

لو هز صمت الليل برق ما مشكلة
والقاش رحل خلاّ الشرق ما مشكلة

لو عمري بالشوق يحترق ولو رحت ماجبت الفرق ما مشكلة
المشكلة ريدتك بقت هي المشكلة وأديني حل للمشكلة

الدنيا تبقي بدون جليس ما مشكلة
وتبقي الليالي بدون ونيس ما مشكلة

لو تنسي ليلي حبيبها قيس تنسي العروس اسم العريس ما مشكلة
المشكلة ريدتك بقت هي المشكلة وأديني حل للمشكلة

ربنا ما يجيب مشكلة, وحبنا لي شعرك يا حلنقي هو ده المشكلة,

ما مشكلة من أجمل ما الاشعار التي أعجبتني للحلنقي وأيضا إنت مافي,
عموما كل ما أتي به الحلنقي حديثا كان أم قديما , هو من أجمل الشعر الذي تداوله كبار الفنانين السودانين وتغنوا به , وأشجوا به جمهور المستمعين إلي هذه اللحظة, بالرغم من كل أشعاره المعاصرة, أستغربت وبكل أسف لتصريحات أحد الفنانين الكبار وطعنه في الحلنقي ونعته بشاعر العصر القديم والتليد, الذي أزعجني حد الازعاج.
ولكن يظل الحلنقي رقم لاينسي في تاريخ الشعر السوداني,يتوارثه الآجيال , جيلا بعد جيل, لجمال شعره وأصالته وقوة كلماته.

عاشقة : تاني بشكرك وثالث ورابع كمان , علي هذا العمل الرائع
واصلي إبداعك ودمتي كما أتمني,,

الجموعي،،،،،

شكراً لتواجدك يارائع،،،

والجاي أحــــــلــــــــــــى،،،،

أبقى قريب،،،،،

تحيتي

حبيت عشانك كسلا

ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
كلمني قوليا فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها

اسمعنا مــــره

اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره

ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا

انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر

نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

عاشقة توتيل

شكرا لتقديمك روائع الشاعر الكبير الحلنقي والواضح في القصائد تمكنه من الشعر وسهوله ابيات القصيد ،،

وشكرا على هذا الطرح الجميل ...

ويتواصل إبداع الحلنقي بأقلامكم النيرة دوووما, ,,,,هل لي أن ارددها كمان مره؟؟
--------------------------------------------

أسمعنا مره ... بس أسمعنا مره
الدنيا تبقى ما فيها مُره ...
والكون يلالى .. بهجه ومسره
شن فى عمرنا شايفنو مرّه
وإن قلت لا لا هم وإستمرّ
إن قلت نشكى .. وين نشكى ليكا
وين نلقى دنيا .. تجمعنا بيكا
ما قلت بتجينا .. يا حليل مجيكا
وإن ضاع عمرنا ... محسوب عليكا
نحن المشاعر ... جنّات حبيبه
دنيتنا راحه وعالمن طيبه
دايرين عيونك تصبح قريبه
عشان كل حلوه فى الكون نجيبا
إنت البتنهى ... وإنت البتأمر
إن درت نشقى بنشقى وإن درت نصبر
زى الفراشه فى سمانا تمطر
نادر وجودك فى الدنيا يندر...

---

دوري دوري,,,,

دوري دوري

يا أيام يا أشواق عدينا

نحن الليلة للحبان

من سفرا بعيد جينا

على رمل الطريق من بيتنا

جابنا الشوق في سكتكم

وصح الذكريات فينا

مواكب الغيم لحارتكم

بعد ما قلنا نحن نسينا

ايه ذكرنا سيرتكم

وحاة عزتكم الفي قلوبنا

ياحلوين تطلونا

افتحو لينا احضانكم

بعد توادنا لمونا

قالو الفرقة بتغير

خايفين بكرة تنسونا

صبح رمل الطريق حزنان

دوري دوري

يا أيام يا أشواق عدينا

نحن الليلة للحبان

من سفرا بعيد جينا

على رمل الطريق من بيتنا

جابنا الشوق في سكتكم

وصح الذكريات فينا

مواكب الغيم لحارتكم

بعد ما قلنا نحن نسينا

ايه ذكرنا سيرتكم

وحاة عزتكم الفي قلوبنا

ياحلوين تطلونا

افتحو لينا احضانكم

بعد توادنا لمونا

قالو الفرقة بتغير

خايفين بكرة تنسونا

صبح رمل الطريق حزنان

عليهم متين تلاقونا

طفنا الحي مشيناهو

فوقنا سحابة حزنانة

هناك لاقونا ناس سألونا

إيه عاملين في دنيانا

وجات سيرتكم الحلوة

بأحلى عبير كريحانة

واخفت بينا ذكراكم

ودنياكم مفارقانا

أقابلك /للشاعر الحلنقي/ غناء وردي,,,,

*******

اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

***
و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

***
اي عيون بتتقابل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

***
بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال