أصل الحكااايه ....

أصل الحكاية
فى ضلمة الليل البهيم جلسته الملم أطراف الحكايه
وبديد أفكر..وأتذكر وين كانت البدايه
ما بتذكر..لكن أوله كان جواب غرام كتبته بمداد دوايا
لونو زى لون حظى العثر.. يوم خطيط بالقلم عنوان شقايا
ودخلت فى دنيا الغرام من أوسع الأبواب
وقلته ياحب سلام..جاييكا زولا تاب
عرف ..غلطو.. وما راجى ليك عتاب
لكن ما عرفت الشينه.. والغريب لى ما عاب
صيحيح ما عرفت الحب قبل كده..لكن ده ما معناه زولا خاب
بس ما لقيت البتضرب قلبى بالنشاب
وإلا سهمك إنتى أديتى فى الصميم وقلتى يمين كضاب
أمانا ما وقع زولا ..ودخل فى زمرة الحباب
قلته..
ليه ..يا زمن
تغدر بزولا.. غير حياتو وعدلا
عرف يحب والعهود ليك ابدا ماكان بدلا
ولاسرح بخيال بعيد.ولا للعواطف كبلا
جاهه الربيع..أوراقة يابسه..وبزهور نشفانه..وزابله
وقال كلمته..
بصوت جهور..وعيون كبار ما سبله
ضليت عن السبيل
يوم عرفت الحب النبيل
يوم عشقت الزول الجميل
يوم تحديد المستحيل
قلت..
تحديد المستحيل..ليه عشان بقيت إنسان
وقلته كفايه أسى وحرمان
وقلته أرتاح من الدوران
فى فلك الهم البيك مزدان
أرحم نفسك..وخلينى أعيش حياتى
بعد ما عرفته وين مقصدى وبياتى
وخليك رحيم ولى ما تعادى
حأبعد همومى وأبدا بالمسره حياتى
وأسعد بالحبيب وبعدين كمان أولادى
بعد ما تعبت كثير وما لقيت فيكم هادى
عايشين فى الضياع.زحوا من دربى لغادى
الهادى الله والمسك دربو أبدا ما لقالو مزله
والزول ما عيب لو غلط..لكن العيب فى العقل لو قله
أسمع نصيحتى ليك قبال تشرب ما تروا ولو زقوك بالقله
الحب..حلم جميييل ما بعرف ليك أوصفو
مع زولا ملاك اكوس فى دربو دايرأولفو
ولو عطشان ما بطلب منو يسقينى بخاف عليهو اكلفو
ولو طلب قلبى بديهو ليهو ما بسلفو
سنبن من عمرى ضيعتهم فى الاوهام
وما كنت قايل بجى يوم تتحقق الاحلام