السوداني الأصيل
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
مع تحيات محمد نعيم 00966531665677

السوداني الأصيل

مرحبا بك يا زائر نرجو ان تكون في تمام الصحة والعافية
 
الرئيسيةالبوابةس .و .جالتسجيلدخول

شاطر | 
 

 ذكرياتي الفنية

اذهب الى الأسفل 
كاتب الموضوعرسالة
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: ذكرياتي الفنية   الثلاثاء أكتوبر 06, 2009 10:40 am

احب ادوّن بعض من ذكرياتي الفنية منذ طفولتي الى الان واتمنى ان اتذكرها كلها ولكن هل حاقدر بعد كل هذا العمر ساحاول...........


في طفولتي كنت محاط بالنفس الصوفي والدتي ربنا يمتعها بالصحه والعافية متصوفة وكذلك اخوي الكبير نجم الدين متصوف كنا نذهب الى حلة الشيخ الامين في منطقة الحلاوين كل خميس لزيارة ابونا الشيخ الامين وكان وقتها مقيم فيها قبل ان ينتقل الى قريتنا ابو فروع كنت احسب ايام الاسبوع منتظراً يوم الخميس حتى نركب لوري عمر ود ابو طعم ونذهب الى الشيخ الامين وكنت استمع الى المادحين شيخ علي ود جبجب والشيخ عبدالله محمد نور تاجر حتى حفظت بعض من المدايح متل مدحة جل جلاله وغيرها من المدايح الكتيره رغم صغري كنت احفظ جزء من المديح وعندما نعود برضو بسمع اخوي يمدح في البيت اتشربت من هذه المدايح الصوفيه..............

نوااااااصل


عدل سابقا من قبل محمد نعيم في الخميس يوليو 26, 2012 6:34 am عدل 3 مرات
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الثلاثاء أكتوبر 06, 2009 10:41 am

بعد هذه المرحله جات مرحلة المدرسة طبعاً زمان مافي روضه كل اولاد الفريق قبلوهم في المدرسة الا انا قالوا الولد صغير باقي ليهو كم شهر يعني لازم السنة الجديده وطبعاً القرار من مدير المدرسه كان بالنسبه لي متل الصاعقه طبعا من رفضوني في المدرسه انا من الصبح بجي اقعد جنب المدرسه ما برجع الا مع وقت الفطور مع الطلبه واجي راجع تاني معاهم الى ان ينتهي اليوم وكنت مجهز ملابس المدرسه والملابس عبارة عن رداء كحلي معمول من الدموريه وقميص ابيض تقريبا برضو من الدموريه وشدّه بيضاء بتاعت بلاستيك طبعا دا زمنا كان كدا اسبوع كامل انا لافي في المدرسه وابكي باعلى صوت علشان المدرسين يسمعوني ورغم ذلك كنت مستمتع بالنشيد بتاع الصباح في الطابور ( نحن جند الله جند الوطن )طبعاً خلال الاسبوع حفظت النشيد كاملاً , وكنت معذب امي تقوم من الصباح ما بتلقاني تجي جاريه لي المدرسه في النهاية الامر صعب عليها وبدت تدور في الواسطه لما لقينا استاذ بشير حنين رحمه الله وامي حكت ليهو الحاصل كامل وفي النهاية طبعاً قبلوني في المدرسه وخشيت مع الجماعه وهمي كلو كان عايز احفظ الاناشيد................

نوااااااصل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الثلاثاء أكتوبر 06, 2009 10:44 am

لحسن حظي مادة اللغة العربية بدينا ليها استاذ بشرى الدافوري وما اروع هذا الاستاذ الرائع صوت جهور كان يلحن الاناشيد بطريقته الخاصه الرائعه كنت استمتع لحصة الاناشيد ومن تلك الاناشيد الخالده الى هذه اللحظه نشيد اشرقت شمس الضحى..................

أشرقت شمس الضحى في السماء الصافية
وهي تؤتنا الصحة صحة وعافية


وقصيدة تانية بتقول
اثناء طلوع الفجري يقوم ديكي بدري يقوم في نشاطٍ يقول كيكيكيكي.........

نعم انها ذكريات جميله وهي التي اثرت فينا الى هذه اللحظه عشقنا للاناشيد وترديدها جعلنا نبدع اكثر واكثر ..
كنا ناخد النشيده في الصبح وتاني يوم نقوم بتسميعها ملحنه بصوت جماعي رائع وكان الفصل مقسوم لقسمين طبعاً القسم اليمين وبه تقريبا سبعه كنبات والقسم الايسر به نفس العدد فمن روعة تلحين واداء النشيده ان القسم اليمين يقول شطر البيت في القصيده والقسم الايسر يقوم باداء عجز البيت كنا طبعاً صغار وصوتنا قريب بعض .

هذه بعض من ذكريات الصف الاول الابتدائي ........

نوااااصل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الثلاثاء أكتوبر 06, 2009 10:46 am

في الصف الثاني الابتدائي زاد ابداعنا وموهبتنا عندما دخلنا في تمثيل القصص الموجوده في المنهج متل الدجاجه الصغيرة الحمراء ولا انسى هنا استاذ سيد كان مبدعاً في تدريس مادة اللغه العربيه وكانت قصة الدجاجه الصغيره الحمراء حلمنا منذ الصف الاول مثلنا هذه القصه بكل ابداع كان طلاب الفصول التانية يتفرجوا علينا ويستمتعوا بالاداء الرائع واذكر هنا اخونا محمد الامين علي مثل دور الدجاجه والى الان اسم الدجاجه مقرون باسمه يعني مافي حد بتذكر اسمو الا تقول الدجاجه ذكريات جميله .

وايضاً نشيد نحن البنون يااااااااه ما اجمل هذا النشيد لكن الذاكره تعبانه ما حافظ منو حاجه وايضاً نشيد ...

دجاجي يلقط الحبه ويجري وهو فرحان كان عيونه خرز لها في الشمس الوان ...

ولا انسى حصة الفنون كنا نرسم بالطين نمشي كلنا البياره ونجيب كمية بتاعت طين ونبدأ في الرسم رسم الطيور والحيوانات والعربات.

اذن المواهب نمت فينا من الابتدائي من الصف الاول والثاني وبقية الفصول ..............

نوااااااصل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الثلاثاء أكتوبر 06, 2009 10:48 am

في الصف الثالث الابتدائي كانت في اناشيد جميله متل ...

لي قطة صغيرة سميتها سميرة
تنام في الليل معي وتلعب بأصابعي
بشعرها الجميل وذيلها الطويل
لأنني أحبها ولا أريد ضربها


وايضاً الالعاب كانت ممتعه متل لعبة الفات الفات كانت تصاحبها كلمات جميله ولحن جميل كنا نجلس في شكل دائره طبعاً كل الفصل عدى العيانين كان الاول بيقلع قميصه ويلف حول الدائره ونحن نغني الفات الفات في ديلو سبعة لفات في ديلو طبعاً لازم يختار واحد يضربو والتاني يسك الاول الى ان يجلس في مكانه وهكذا لما تنتهي اللعبه واليكم الكلمات التي كانت في اللعبة

الفات الفات وفى ديلو وسبعة لفات وفى ديلو
وعم على بياع الزيت طلق مرتو وداها البيت
وفي البيت عامل زعلان وفي القهوة شارب فنجان
والجبة وقعت فى البئروصاحبها واحد جنزير

والهون ضرب التلفون.........


وتاني لعبة شليل

وشليل وينو أكلو الدودو
وشليل وين راح أكلو التمساح
وشليل عبارة لعبة يتم اختار احد الطلاب وهو الذى يكون معه العضم ويبدأ بقول
شليل وينو ويردد الجماعة اكلو الدودو
وشليل وين راح اكلو التمساح
ثم يقوم برمى العضم والبقيه يبحثوا عنه



يا سلام على ايام زماااان والزمن الجميل كل هذه الاناشيد والالعاب التي تحمل الحاناً جميله عشعشت فينا الى اليوم...



نواااااااااصل
الرجوع الى أعلى الصفحة اذهب الى الأسفل
http://sudaniaseel.forum.st
عاشقة توتيل
مشرفة المنتدى الثقافي
مشرفة المنتدى الثقافي
avatar

وسام
الجنس : انثى
عدد المشاركات : 562
تاريخ الميلاد : 29/01/1987
العمر : 31
الموقع : على صــهــــوة حــــلم
المزاج : متقلب كالفصول الاربعه
تاريخ التسجيل : 10/03/2009

مُساهمةموضوع: رد: ذكرياتي الفنية   الثلاثاء أكتوبر 06, 2009 7:32 pm

متابعه بدهشه،،،
واصل ياأنيق،،
ذكرياتك جديره بحجز المقعد الاول،،،
وإياك والذاكره المثقوبه،،
لئلا تغفل لنا تفاصيلك الجميله،،،
،،
،،
الرجوع الى أعلى الصفحة اذهب الى الأسفل
عاشق خلود
مشرف منتدى الشعر والخواطر
مشرف منتدى الشعر والخواطر


,
الجنس : ذكر
عدد المشاركات : 319
تاريخ الميلاد : 05/05/1969
العمر : 48
الموقع : السعودية ـ جدة
تاريخ التسجيل : 21/03/2009

مُساهمةموضوع: رد: ذكرياتي الفنية   الأربعاء أكتوبر 07, 2009 9:39 am

نعيم

عدت بنا الى سنوات الطفولة الجميلة ،،،
تأسرني هذه السنوات حتى الان وانا احاول التواصل مع كل من لهم معي ذكريات بالشوارع الضيقة والبيوت المتهالكة واصدقاء جلسو معي على طاولة واحدة بمدرسة زيد بن الحارثة الابتدائية
الرجوع الى أعلى الصفحة اذهب الى الأسفل
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الأربعاء أكتوبر 07, 2009 4:33 pm

عاشقة توتيل كتب:

وإياك والذاكره المثقوبه،،
لئلا تغفل لنا تفاصيلك الجميله،،،
،،
،،

اختي الغاليه مشكوره على مرورك ولكني الان بعيد من اصدقائي والذاكره اكيد حتخوني ولكن بحاول اتذكر ولو قليل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الأربعاء أكتوبر 07, 2009 4:41 pm

عاشق خلود كتب:
نعيم

عدت بنا الى سنوات الطفولة الجميلة ،،،
تأسرني هذه السنوات حتى الان وانا احاول التواصل مع كل من لهم معي ذكريات بالشوارع الضيقة والبيوت المتهالكة واصدقاء جلسو معي على طاولة واحدة بمدرسة زيد بن الحارثة الابتدائية

يا سلااام على ذكريات الطفولة والمدرسه ايام جميلة لا تنسى وياريت يا غالي تحاول تدونها خوفاً من مرور الزمن وتتلاشى
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الأربعاء أكتوبر 07, 2009 4:43 pm

اما الصف الرابع دا حكاية تانية والصف الرابع اسمه الفرامل يعني لو ما كنت مؤهل تماماً ما حتمشي الصف الخامس يعني لازم تجتهد في الصف الرابع وكان وضع الفصل غير بقية الفصول تشعر برهبة وخوف شديد حتى وضع الكنب يختلف عن بقية الفصول كانت الكنبه صغيره وعدد الطلاب فيها أربعه تقريباً انا اذكر كان معي المشاغب امين ابراهيم الدافوري والكباشي الشيخ جبران ومحمد صلاح عبد الرحمن .. امين رغم شطارته لكن يميل للهزليه احياناً بتذكر يوم من الايام امين وسوس للكباشي وانا كنت في النص قال ليهو محمد دا ضعيف تعال نكسرو النص النص وبدأ الضغط علي من الجانبين وما شاء الله عليهم صحتهم كانت كويسه وبدا الضغط من الجانبين وانا في النص اتالم وخوفاً من الاساتذه ومن الجلد لم اتكلم فضلت صامتاً مستحمل ضغطه من امين وضغطه من الكباشي وفي الاخر امين شدّ شويه لما الكنبه اتكسرت ودونا لاستاذنا ومربينا الرائع بشرى الذين ادم واخدنا علقه محترمه وتم تغريم الكباش وامين للكنبه ............

نرجع للذكريات الفنيه الجميله في كل الفصول الاولى كنا نحب مادة الاناشيد ومادة الفنون ولكن في الصف الرابع حبينا مادة الجغرافيا لماذا ؟؟....................

حاتابع في المره القادمة باذن الله

نواااااااااااااصل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الجمعة أكتوبر 09, 2009 7:19 pm

حبينا مادة الجغرافيا لان معلم الماده هو الاستاذ بشرى الدافوري هذا الاستاذ الذ كان يدرسنا الاناشيد في الصف الاول بصوته الجهور الذ يحبه كل الطلاب ومن اهم الدروس في مادة الجغرافيا هي تسجيل الزيارات لاقاليم السودان المختلفه ومن اهم الزيارات كانت لجنوب السودان حيث سافرنا بخيالنا الى صديقنا منقو ولا ننسى تلك القصيده المشهوره.......


انت سوداني وسوداني انا
ضمنا الوادي فمن يفصلنا
نحن روحان حللنا بدنا
منقو قل معي لا عاش من يفصلنا
هاهو النيل الذي ارضعنا
وسقى الوادي بكاسات المنى


وكل هذه الرحلات تتلخص في هذه القصيده الرائعه

فى القولد التقيت بالصديـق أنعم به من فاضل ، صديقى
خرجت أمشى معه للساقية ويا لها من ذكريات باقيــة
فكم أكلت معــه الكابيدا وكــم سمعت اورو والودا
***
ودعته والأهل والعشيرة ثم قصدت من هناك ريره
نزلتها والقرشى مضيفى وكان ذاك فى أوان الصيف
وجدته يسقى جموع الإبل من ماء بئر جره بالعجـل
***
ومن هناك قمت للجفيـل ذات الهشاب النضر الجميل
وكان سفري وقت الحصاد فســرت مع رفيقى للبــلاد
ومر بي فيها سليمان على مختلف المحصول بالحب إمتلا
***
ومرةً بارحت دار اهـلى لكي أزور صاحبى ابن الفضل
ألفيته وأهله قد رحلـوا من كيلك وفى الفضـاء نزلوا
فى بقعة تسمى بابنوسـة حيث اتقوا ذبابة تعيســــة
***
ما زلت فى رحلاتى السعيدة حتى وصلت يا مبيو البعيدة
منطقة غزيرة الاشجــار لما بها من كثرة الأمطــار
قدم لى منقو طعــم البفره وهو لذيذ كطعام الكســـره
***
وبعدها استمــر بى رحيلى حتى نزلت فى محمد قـــول
وجدت فيها صاحبي حاج طاهر وهو فتى بفن الصيد ماهـــر
ذهبت معه مرةً للبحـــــر وذقت ماء لا كماء النهــــر
****
رحلــت من قول لودْ سلفاب لألتقى بسابع الأصحــــاب
وصلته والقطن فى الحقل نضر يروى من الخزان لا من المطر
أعجبنى من أحمد التفكيـــر فى كــــل ما يقوله الخبيرُ
***
ولست أنسى بلدة أم درمــان وما بها من كثرة السكـــان
إذا مرّ بي إدريس فى المدينة ويا لها من فرصـــة ثمينة
شاهدت أكداساً من البضائــع وزمراً من مشتر وبــــائعْ
***
وآخر الرحلات كانت أتبره حيث ركبت من هناك القاطره
سرت بها فى سفر سعيد وكان سائقى عبد الحميـــد
أُعجبت من تنفيذه الأوامر بدقة ليسلم المســـــافر
***
كل له فى عيشه طريقـة ما كنت عنها أعرف الحقيقـة
ولا أشك أن فى بــلادى ما يستحق الدرس باجتهـــاد
فإبشر إذن يا وطني المفدي بالسعي مني كــي تنال المجدا


الاجمل والاروع طريقة تدريس هذه الماده من الاستاذ بشرى الدافوري

نوااااااااااصل مع ذكريات الصف الرابع
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الجمعة أكتوبر 09, 2009 7:20 pm

قبل تدريس هذه الرحلات الممتعه قال لنا الاستاذ بشرى حنمشي رحله للقولد والكل يستعد جهزوا شنطكم وكل احتياجاتكم وطبعاً قاصد الرحله حتكون خياليه....
من المواقف الطريفه عندنا صديقنا سمع كلام الاستاذ ومشى كلم اهلو قال ليهم حنسافر القولد جهزوا لي شنطتي وادوني مصاريف كتيره لان الرحله حتكون بعيده جاتني امه في البيت وسألتني قلت ليها الاستاذ قال رحله في الخيال بس قالت لي لا كل الطلاب قالوا حيمشوا انت ما حتمشي معاهم لان ولدي هداك قاعد يجهز في الشنطه ....هنا الامر اتلخبط علي انا زاتي صدقت الموضوع ومشينا لود ساكن معانا في الفريق في الدفعه القدامنا وسالناه قعد يضحك قال لينا برضو انتوا صدقتوا زينا زماااااااااااااااان يا جماعه الرحله دي خياليه بس............


نواااااصل
الرجوع الى أعلى الصفحة اذهب الى الأسفل
http://sudaniaseel.forum.st
OMAR
مشرف منتدى النكات والطرائف
مشرف منتدى النكات والطرائف
avatar

,
الجنس : ذكر
عدد المشاركات : 566
تاريخ الميلاد : 04/09/1990
العمر : 27
الموقع : فى قلب حبيبتى
المزاج : راااااايق
تاريخ التسجيل : 05/07/2009

مُساهمةموضوع: رد: ذكرياتي الفنية   الإثنين أكتوبر 12, 2009 4:23 am






والله ياسلام علي ذكريات زمااااااااااااااااااااااان والله انا عمري 19سنه لسه بدري علي الذكريات لكن نفسي ارجع طفل صغير



وارجوك يامحمد واصل ذكرياتك الجميله وحاول اتذكر[/center][/color]
الرجوع الى أعلى الصفحة اذهب الى الأسفل
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الإثنين أكتوبر 12, 2009 10:48 am

في الصف الخامس بقينا كبار والشنطة كبرت خلااااص واتملت بالكتب والكراسات وعلبة الهندسه والمحبره علشان قلمك ما يقطع وتقعد تشحت في الحبر لما نرجع البيت الواحد بكون خلاص كتفو تعب من الشيل.......

هذه صورة لكتاب الاناشيد للصف الخامس الابتدائي الصوره ماخوذه من احد المنتديات




المهم في هذه الذكريات بداية حياتي الفنيه والتي بدأت بالاناشيد والمحفوظات في تلك الفتره واليكم بعض من قصائد الصف الخامس الابتدائي ومنها....





نصيحة ام لابنتها

يا ابنتى ان اردتى اية حسن وجمال يزين جسما وعقلا
فانبذي عادة التبرج نبذا فجمال النفوس اسمى واغلى
يصنع الصانعون وردا ولكن وردة الروض لا تضارع شكلا
ثم كوني كالشمس تسطع للناس سواءا من عز منهم وذلا
وامنحي المثريات لينا ولطفا وامنحي البائسات برا وفضلا

بالله عليكم شوفوا الزمن الجميل كان كيف وشوفوا هذه الوصية الرائعه ما قالت ليها البسي ضيق وقصير علشان تتخطبي وتظهري بمظهر جميل في الفيديو وتجذبي الشباب عليك بل وصتها وصيه ام واعية ومدركه.........


الى ابناء المدارس للشاعر معروف الرصافي



كفى في العلم في الظلمات نورا يبين في الحياتي لنا الأمورا
تزيد به العقول هدى ورشدا وتستعلي النفوس به شعورا
إذا ما العلم لا بس حسن خلق فرج لأهله خيرا كثــــــــــــرا
أأبناء المدارس إن نفـــــسي تؤمل فيكم الأمل الكبـــــيــــرا
فسقيا للمدارس من ريـــاض لنــــا قد أنبتت منكم زهـــــــرا
ستكتسب البلاد بكم علـــــوا إذا وجدت لها منكم نصيـــــــرا
إذا ارتوت البلاد بفيض علم فعاجز أهلها يمسي قديــــــــــرا
ويقوى من يكون بها ضعيفا ويغني من يكون بها فقيـــــــــــرا


والباقي ما متذكرو بس ذكريات جميله ورائعه ...............................

نوااااصل
الرجوع الى أعلى الصفحة اذهب الى الأسفل
http://sudaniaseel.forum.st
محمد نعيم
اشراف وتنظيم
اشراف وتنظيم
avatar

الجنس : ذكر
عدد المشاركات : 344
تاريخ الميلاد : 01/01/1977
العمر : 41
تاريخ التسجيل : 01/03/2009

مُساهمةموضوع: رد: ذكرياتي الفنية   الأربعاء أكتوبر 14, 2009 6:12 pm

في الصف السادس الابتدائي كان كل همنا هو النجاح والعبور الى المرحله المتوسطه حيث اللغه الانجليزيه لان الدفعه القدامنا كانوا تاعبننا بالانجليزي الواحد يلاقيك في الشارع ولا في الكوره يرمي ليك كلمتين تخليك تتقلب من الغضب لاننا ما عارفين معنى الكلمات البقولوها لينا واضافة على ذلك كان في المتوسط اي واحد عندو درج وكرسي خاصات بيهو ومفتاح الدرج والعلاقات الجميله للمفاتيح ولون الملابس وحاجات كتيره جداً والاهم من كدا المدرسه المتوسطه كانت جنبنا يعني في فريقنا يعني الواحد يمشي يفطر ويشرب الشاي والقهوة بي مزاج وقبل الجرس بدقيقه الواحد يجي طاااير .

المهم الصف السادس كان صف الجديه والالتزام وخاصة بان الاستاذ بشرى الذين ادم كان المسؤول عن الفصل


نوااااااااصل
الرجوع الى أعلى الصفحة اذهب الى الأسفل
http://sudaniaseel.forum.st
 
ذكرياتي الفنية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السوداني الأصيل :: الملتقى الادبي والثقافي :: المنــــــــــــــــتدى الثقـــــــــــــــــــــــــــــــــــافي-
انتقل الى: